Samsung Apple'дан "илҳомланмоқда"

Samsung Apple'дан

Баъзи Android смартфон ишлаб чиқарувчилари Apple'нинг динамик оролини кўчиришга ҳаракат қилаётган бир пайтда Samsung компанияси ўзининг смартфонларига iOS 16'да бўлганидек Экран қулфини созлаш хусусиятларини қўшмоқда.

9to5Маc'нинг хабар беришича, Galaxy'лар учун Android 13'га асосланган One UI 5'нинг учинчи бета янгиланишида Экран қулфини созлаш имконини берадиган хусусиятлар топилган бўлиб, улар iOS 16'нинг худди шундай функсиясини эслатиб юборади.

Масалан, One UI 5 билан энди сиз Экран қулфингиздаги соат кўриниши 5 хил стилда ўзгартиришингиз мумкин. Бундай функсия iOS 16'да биринчи келган бўлиб, унда сиз 8 хил соатлар стилидан бирини танлашингиз мумкин. Шунингдек, иккала интерфейсларда ҳам соатлар ранггини ўзгартириш мумкин.

Image

Орқа фонни ўзгартираётган эса, иккала операцион тизимлар ҳам суратлар коллексиясини таклиф қилади. Apple Экран қулфи учун учинчи томон виджетларини таклиф қилаётган бир пайтда, Samsung'да ҳозирча фақат билдиришномалар учун виджетлар мавжуд.

Қизиғи шундаки, Samsung ҳар доим Apple'нинг устидан куладида, кейин унинг стилларини ўзи кўчириб олади. Жанубий Корея компанияси iPhone 14 смартфонларини тақдим қилинишидан олдин ва кейин ҳам Apple'ни масхара қиладиган бир нечта реклама видеоларини чиқарган эди.

ЎҚИНГ: Xiaomi 12Т серияси қачон тақдим қилиниши маълум бўлди

Сайтимизнинг энг чиройли расмларини Инстаграмдаги саҳифамизда томоша қилинг!