Samsung арзон Galaxy M туркумидаги илк 5G-смартфонини мақтаяпти
Жанубий кореялик техногигант яқинда ўзининг Galaxy M42 (ёки Galaxy M42 5G) смартфонини Geekbench сервисида текшириб кўрган. Ўшанда ва олдинги хабарларда бу қурилманинг бақувват батареяга ҳамда кучли Qualcomm чипига эга эканлиги тасдиқланган.
Samsung компанияси Galaxy M42 моделига бағишлаб тайёрлаган биринчи тизери интернетга чиқди. Гарчи унда айнан моделнинг номи айтилмаган бўлса-да, гап шу смартфон ҳақида кетяпти, дейди уни эълон қилган Мукул Шарма (Mukul Sharma):
So yes, the Samsung #GalaxyM42 seems right around the corner. Got my hands on this video today.
— Mukul Sharma (@stufflistings) April 10, 2021
The device will be the first-ever 5G phone in the Galaxy M lineup of smartphones 😍#FastestMonster @SamsungIndia pic.twitter.com/WAEd604Np6
Мазкур девайс Galaxy M туркумининг бешинчи авлод уяли алоқа стандартини қўлловчи илк вакили бўлиши кутилмоқда. Олдинроқ сизиб чиққан маълумотларга кўра, бу смартфон Galaxy A42 моделига жуда ўхшаш ёки унинг айнан клони бўлади. Унинг техник жиҳатлари ва қадоқ таркиби билан эса мана бу мақоламизда тўлиқ танишиб чқиш мумкин.
ЎҚИНГ: 2021 йил бошида бутун жаҳонда энг кўп сотилган ўнта смартфон