Samsung беш йил аввал ишлаб чиқарилган смартфонга дастурий таъминот янгиланишни жўнатмоқда

Samsung беш йил аввал ишлаб чиқарилган смартфонга дастурий таъминот янгиланишни жўнатмоқда

Galaxy S8 ва Galaxy S8+ флагман смартфонларини дастурий таъминот билан қўллаб-қувватлаш муддати аллақачон тугаганига қарамай, Samsung ушбу смартфон эгаларини кутилмаган дастур янгиланиши билан ҳайратда қолдирди. 

Сентябрь ойида Samsung ишлаб чиқарилганига беш йил бўлган смартфонларни дастурий таъминот билан таъминлашини маълум қилган эди. 

Прошивка модель рақами G95xFXXUCDUK1 бўлиб, ҳозирда уни Европадаги S8 фойдаланувчилари қабул қилиб олишмоқда. Кейинчалик прошивка бошқа ҳудудлардаги фойдаланувчиларга ҳам жўнатилади. 

Прошивка ҳеч қандай Android ёки One UI янгиланишини ўз ичига олмайди, у фақат смартфонни октябрь ойи хавфсизлик патчи билан таъминлайди ҳамда тизимдаги баъзи муаммоларни бартараф этади. 

Samsung компанияси Galaxy S8 сериясини 2017 йил бошида тақдим этган. Смартфонлар дастлаб Android 7.0 Nougat операцион тизимида ишлаган, кейин эса 2018 йилда Android 8 Oreo ва 2019 йилда Android 9 Pie операцион тизимига ўтган эди. 

ЎҚИНГ: Samsung Galaxy Tab S8 Ultra'нинг техник жиҳатлари маълум бўлди 

Terabayt.uz сайтининг видеолари: Youtube'даги каналимизда!