Samsung билан судлашишга Apple ҳар йили қанча пул сарфлаганини биласизми?

  •   DiMaX
  •  1128
  •  12.06.2019 13:05

Samsung билан судлашишга Apple ҳар йили қанча пул сарфлаганини биласизми?

Apple корпорациясининг собиқ катта вице-президенти ҳамда бош юрисконсульти Брюс Сьюэлл (Bruce Sewell) Колумбия университетининг ҳуқуқ йўналиши талабалари билан суҳбатлашди. Ўшанда у купертинолик гигантнинг Samsung билан узоқ давом этган судлашувлари қанчага тушгани ҳақида маълумотлар берди.

ЎҚИНГ: Apple ва Qualcomm яна судлашди: мағлуб 31 миллион долларлик жарима тўлайди!

Брюс Сьюэлл саккиз йил мобайнида Apple’да юридик масалалар учун масъул бўлган. iBooks бўйича антимонопол иши ҳамда Samsung билан патент борасидаги судлашувлар айни шу даврга тўғри келган.

Унинг айтишича, купертинолик корпорациянинг юридик хизматида бир вақтда 600 киши ишлаган. Samsung билан боғлиқ еттита даъводан биттасининг ўзида 350 киши шуғулланган. Шундаям компания ўз кучи билан эплай олмаган – уларнинг аксарияти четдан ёлланган ҳуқуқшунослар бўлган.

Юқоридаги ишларда етти миллиарддан саккиз миллиардгача ҳужжат ўрганиб чиқилган. Юридик фирмалар Apple’нинг ишлари бўйича жами 280 000 соат учун ҳақ олишган. Буларнинг бари Apple’га ҳар йили тахминан миллиард долларга тушган!

Дунёдаги энг қиммат брендлар рейтинги етакчиларидан бири эканини инобатга олган ҳолда нима ҳам дердик, «Бойга бало урармиди...»

ЎҚИНГ: Тим Кукдан ҳам икки баравар кўп маош олувчи ходим Apple’ни ташлаб кетди