Samsung буклама смартфонини антиқа сурат билан реклама қиляпти
Жанубий кореялик техногигант ўзининг қайишқоқ экранли буклама смартфонини тез орада намойиш этмоқчи эканидан хабарингиз бор. Компания ўзининг Twitter-аккаунти орқали шу моделга бағишланган антиқа расмни эълон қилди.
ЎҚИНГ: Samsung’нинг буклама смартфони эгилувчан дисплейдан ташқари яна битта экранга эга!
Компания эълон қилган расмда қоқ белидан букилган Samsung логотипи акс эттирилган:
Эслатиб ўтамиз, Galaxy F (айрим манбаларга кўра – Galaxy X) модели ҳақидаги батафсил маълумотларни 7-8 ноябрь кунлари Сан-Франциско шаҳрида ўтказиладиган анжуманда айтишади.
Бироқ айнан букланувчи дисплейли мобил қурилма борасида биринчиликка интилаётган Samsung ҳам, Huawei ҳам доғда қолган. Унчалик ҳам танилмаган бир хитойлик компания букланувчи, тағин Snapdragon 8150 процессорли илк смартфонни аллақачон сотувга чиқаришгаям улгурган.
