Samsung энг антиқа дизайнли смартфонни тайёрлаяпти, лекин бу Galaxy Fold ёки Galaxy Note 10 эмас!
Ice Univerce ники остида ёзувчи машҳур инсайдер яқинда Twitter-аккаунтида қизиқ бир пост билан шов-шув кўтарганди. Унга кўра, жорий йилнинг иккинчи ярмида Samsung, Huawei ва Vivo компаниялари ўта оригинал дизайнли смартфон чиқариши кутилмоқда.
ЎҚИНГ: Samsung, Apple, Xiaomi ва Huawei ҳар бир смартфондан қанча соф даромад кўради?
Шунга кўра, кўпчилик фойдаланувчилар Samsung’нинг энг қизиқарли смартфони Galaxy Note 10 фаблети бўлишини тахмин қилишган. Айримлар эса барибир дизайн борасида Galaxy Fold ажралиб туришини таъкидлашган.
Эсингизда бўлса, Samsung бу моделини аввал яширинча, сўнг ошкора сота бошлаган, аммо нуқсонли чиққани учун узр сўраган ва барчасини харидорлардан қайтариб олган эди.
ЎҚИНГ: Samsung аллақачон Galaxy S11 устида ишлаяпти: унинг кодли номи – Picasso!
Аммо кечаги постида Ice Univerce юқоридаги тахминларни инкор этди:
«Ишонаверинг, 2019 йилнинг иккинчи ярмида чиқадиган энг креатив Samsung смартфони Fold ҳам, Note 10 ҳам эмас. Сабр қилишингизга тўғри келади, бу ҳақда бошқа мендан сўраманг».
Энди тахмин қилиш мумкинки, Samsung смартфонларнинг янги линейкасини тайёрламоқда – уларда олд камера дисплейнинг остига яширинган бўлади. Компания смартфонлар учун «кўринмас» камералар, «гапирувчи» ва тўлиқ дактилоскопли экранлар устида ишлаётганини аввалроқ ўзи тасдиқлаган эди.
Яна бир вариант: ҳалиям тақдим этилмаган Galaxy A90 смартфони шунақа оригинал дизайнга эга бўлиши мумкин.
ЎҚИНГ: «Ўнта қўй нима бўлади!?» – Samsung яна камида тўртта моделда Galaxy A смартфони тайёрлаяпти
