Samsung энг арзон ва оммабоп смартфонларини ҳам Android 9 Pie’гача янгилай бошлади
Жанубий кореялик техногигантнинг Galaxy M30 смартфони 3 июнда тўққизинчи авлод – Android Pie операцион тизимигача янгиланиши айтилган эди. Аммо Samsung апдейтни тезлаштириб, ушбу моделдаги қурилмаларга 27 май куниёқ янги прошивка юборди.
ЎҚИНГ: Samsung энг кучли қувватлагичини ишлаб чиқармоқда!
Шунингдек, ҳамёнбоп туркумнинг энг арзон вакиллари Galaxy M20 ва M10 ҳам 3 июнда янгиланиши ваъда қилинган эди. Ишлаб чиқарувчи бу оммабоп моделларга ҳам белгиланган муддатидан аввал янги прошивка тарқата бошлади.
Айтиш керакки, ушбу учала русумдаги телефон учун ҳам апдейтлар ҳозирча фақат Ҳиндистондаги фойдаланувчиларга мўлжалланган. Бироқ Samsung яқин орада бошқа ҳудудлардаги Galaxy M30, M20 ва M10 смартфонларига ҳам Android Pie асосидаги янги прошивка юборади.
Янги прошивка ҳажми 926 МБ бўлиб, май ойидаги хавфсизлик патчларини ўз ичига олади. Шунингдек, у смартфонларга энг янги One UI график интерфейсини ҳам тақдим этади.
Кўриниб турибдики, Samsung бу йили нафақат смартфонлар ассортименти ва нарх сиёсати борасида, балки дастурий таъминот янгиланиши бўйича ҳам энг илғор компаниялардан бўлмоқда.
ЎҚИНГ: Энг харидоргир смартфонлардан бўлган Galaxy A50 ҳам арзонлаша бошлади!
Ушбу компаниянинг айрим телефонларини атиги 451 000 сўмдан бошланувчи нархларда Terashop.uz интернет-дўконимиздан харид қилиш мумкин. Бундан ташқари, Samsung ёки бошқа ишлаб чиқарувчининг смартфонини ишлатаётган бўлишингиздан қатъи назар, биз сизга омадингизни синаб кўришни таклиф қиламиз! Айни дамда 2 июнга қадар сизда Xiaomi компаниясининг ажойиб фитнес-браслети – Mi Band 3 ютиб олиш имконияти мавжуд.
Бунинг учун YouTube-каналимизга аъзо бўлиб, ушбу видео остига изоҳ ёзиб, «Ёқди» тугмачасига боссангиз кифоя. Ғолиб эса сайтимизнинг Facebook-саҳифаси орқали жонли эфирда аниқланади ва ушбу омадли инсонга совға ўзи яшаб турган вилоят марказигача бепул етказиб берилади! Бу ҳақдаги батафсил маълумотни мана бу ерда олишингиз мумкин.
