Samsung февралда яна иккита арзон, аммо «бағрикенг» смартфон тақдим этади!

  •   DiMaX
  •  3308
  •  22.01.2020 18:05

Samsung февралда яна иккита арзон, аммо «бағрикенг» смартфон тақдим этади!

Galaxy A51 ҳамда Galaxy A71 моделларидан сўнг ушбу линейканинг навбатдаги вакиллари – Galaxy A31 ва Galaxy A41 қурилмаларини тайёрламоқда. Шунингдек, компаниянинг янада арзон иккита модели ҳақида маълумотлар тарқалди.

ЎҚИНГ: Galaxy S20, S20+, S20 Ultra ҳамда Galaxy Z Flip нархлари кишини лол қолдиради!

Wi-Fi Alliance ташкилотида аллақачон янги – Galaxy M11 ҳамда Galaxy A11 моделлари сертификациядан ўтди. Булардан биринчиси Samsung’нинг арзон смартфонлар линейкасига мансуб бўлса, иккинчиси ўрта нархли туркумнинг энг арзон вакили бўлиши кутилаётир.

Wi-Fi Alliance маълумотларига кўра, ушбу иккала моделда ҳам максимал конфигурацияда 128 гигабайтлик доимий хотирага эга. Бундай «бағрикенглик» эса Samsung’нинг мазкур тоифалардаги смартфонларида олдин бўлмаган.

ЎҚИНГ: Galaxy A11, A31 ва 41'лар 64ГБ лик базавий хотирага эга бўлади

Шунингдек, Galaxy M11 ҳам, Galaxy A11 ҳам қадоқданоқ энг сўнгги – Android 10 базасида тайёрланган One UI 2.0 график қобиғи билан таъминланган.

Ушбу смартфонлар февралда, Galaxy S20, Galaxy S20 Plus ҳамда Galaxy S20 Ultra флагманлари ҳамда Galaxy Z Flip букламафонидан кейинроқ намойиш этилиши кутилмоқда.

ЎҚИНГ: Samsung аллақачон Galaxy Note 20’ларни тайёрлаяпти: дизайни ва фарқларини расмларда кўрамиз

Сайтимизнинг энг чиройли расмларини Инстаграмдаги саҳифамизда томоша қилинг!