Samsung Galaxy A04s смартфони GeekBench'да тестдан ўтди

Samsung Galaxy A04s смартфони GeekBench'да тестдан ўтди

Ўтган йилги Galaxy A03s моделининг янги авлоди ҳисобланувчи Galaxy A04s (SM-A047F) смартфони GeekBench'да тестдан ўтди. Ҳали тақдим этилмаган қурилма бир ядроли тестда 152 балл, кўп ядроли тестда эса 585 баллни қўлга киритди. 

GeekBench смартфон Exynos 850 чипи билан жиҳозлангани ҳақида маълумот берди. Ушбу чип Galaxy A13 ва M13 моделларига ҳам ўрнатилган эди. Galaxy A04s модели Android 12 операцион тизимига асосланган One UI 4 график қобиғида ишлайди ва 3ГБ тезкор хотирага эга бўлади. 

Смартфон рендерларидан кўриниб турибдики, унинг орқа панелида учта камера бўлади. Шунингдек, қурилмага 60 гертс частотада ишловчи 6.5 дюймли LCD дисплейи ва 5,000 мАс сиғимли аккумулятор ўрнатилиши кутилмоқда. 

ЎҚИНГ: Snapdragon 8+ Gen 1 чипи билан чиқариладиган илк смартфон 

Сайтимизнинг энг чиройли расмларини Инстаграмдаги саҳифамизда томоша қилинг!