Samsung Galaxy 10 ёшда. Компания "Galaxy юбилейи премиум пакети"ни таклиф қилмоқда
Galaxy смартфонларининг ўн йиллигини нишонлаш учун Samsung "Galaxy юбилейи премиум пакети"ни эълон қилади. Пакет компаниянинг энг сўнгги гаджетларидан иборат.
Пакет таркибига Samsung Galaxy Note10, Galaxy Watch Active 2 соати (қўшимча тасмаси билан), Galaxy Buds симсиз қулоқчинлари ҳамда Note10 учун силикон ғилоф киради.
Бу маҳсулотларнинг барчаси бир-бири билан ажойиб уйғунлик ҳосил қилади. Galaxy Buds ва Galaxy Watch Active 2'ларни Note10'даги Симсиз қувват улашиш (Wireless PowerShare) технологияси орқали смартфоннинг орқа томонига қўйиб, зарядлаш мумкин.
"Galaxy юбилейи премиум пакети" шу ойдан бошлаб танланган бозорларда амал қилади. Ҳозирча, пакет нархи номаълум, лекин унинг таркибига кирувчи қурилмаларнинг барчасини ҳисоблаганда, қиймати 1 400 АҚШ доллари атрофида бўлади.
