Samsung Galaxy A (2016) моделлари Android 7.0 версиясига янгиланади

Samsung Galaxy A (2016) моделлари Android 7.0 версиясига янгиланади

Samsung компанияси айни пайтда Galaxy S7 ва Galaxy S7 Edge моделлари учун Android 7.0 версиясини фаол тарзда синовдан ўтказмоқда. Бундан ташқари, компания Galaxy S6 ва S6 Edge, шунингдек, Galaxy Note 5 ва Galaxy Tab S2 моделлари учун  Android 7.0 Nougat версиясини яратиш устида ҳам иш олиб бораётгани тўрисида ҳам сайтимизда аввалроқ хабар берган эдик.

Куни кеча эса Жанубий Корея технология гиганти Galaxy A (2016) моделларини ҳам Android 7.0 версиясига янгилаши тўғрисидаги маълумотлар ҳам эълон қилинди. Аммо бу ҳақда Samsung алоқадор янгиликларни ёритадиган Sammobile сайтида берилган хабарда мазкур сериядаги айнан қайси моделларнинг Android 7.0 версиясига янгиланиши тўғрисида аниқ ахборот йўқ. Samsung Galaxy A (2016) сериясида Galaxy A3, Galaxy A5, Galaxy A7, Galaxy A8, Galaxy A9 ва Galaxy A9 Pro сингари моделлар ўрин олган.

Сайтимизнинг энг чиройли расмларини Инстаграмдаги саҳифамизда томоша қилинг!