Samsung Galaxy A туркумида янги – A10, A30, A50, A70 ва A90 смартфонлари чиқади!
Таниқли смартфонсоз ўзининг энг оммабоп ва харидоргир телефонлар туркуми – Galaxy A моделларининг номланишига ўзгариш киритмоқда. У тегишли савдо белгиларини аллақачон Европада ва Жанубий Кореяда рўйхатдан ўтказишга ҳам улгурган.
ЎҚИНГ: Samsung’нинг ўрта нархли смартфонларида ҳам сканерли экран бўлади
Хорижий нашрлар тарқатган хабарларга кўра, Samsung’нинг Galaxy A туркумидаги моделлари номларида энди битта эмас, балки иккитадан рақам бўлади.
Яъни, янги авлод Galaxy A-series моделлари номларига биттадан ноль қўшилади. Шу тариқа, Galaxy A3 энди Galaxy A30 деб, Galaxy A7 эса – Galaxy A70 деб аталади. Қизиғи шундаки, бундай номлашни хитойлик техногигант бошлаб берганди: унинг Huawei P10 моделидан кейинги флагмани P11 эмас, балки P20 деб аталган.
ЎҚИНГ: Samsung таниқли смартфон туркумини "ўлдирмоқчи"
Samsung патент ҳужжатларида қайд этилишича, янги номлар «смартфонлар, мобил телефонлар, планшетлар» учун қўлланади.
Лекин юқоридаги рўйхатда амалдаги Galaxy A6 ҳамда Galaxy A8 моделларининг эквивалентлари йўқлиги ғалати. Эҳтимол, тегишли Galaxy A60 ҳамда A80 савдо белгилари кейинроқ рўйхатга олинар.
