Samsung Galaxy A04e тақдим этилди

Samsung Galaxy A04e тақдим этилди

Одатда Samsung'нинг флагман S серия моделлари тақдимот вақтида кўпчиликнинг диққат эътиборини тортади. Samsung, шунингдек, флагман смартфонлардан ташқари бюджет синфидаги моделларни ишлаб чиқаради. Уларнинг сони борган сари ортиб бормоқда.

Кеча компания ортиқча дабдабаларсиз Galaxy A04e моделини тақдим этди. Ушбу моделни август ойида тақдим этилган A04 ёки сентябрда эълон қилинган A04s билан адаштириб юбормаслик керак. 

Янги модель HD+ резолюциядаги 6.5 дюймли PLS LCD дисплейи билан жиҳозланган. 60 гертсли дисплейнинг юқорисидан 5МП селфи камера, орқа панелдан эса 13МП асосий ҳамда 2МП сатҳ камералар ўрин олган. A04e қайси чип билан жиҳозланганлиги ҳақида аниқ маълумот йўқ (миш-мишларга кўра бу MediaTek Helio G35). Гаджет 3/4ГБ тезкор ҳамда 32/64/128ГБ доимий хотирага эга. Хотирани microSD картаси билан кенгайтириш мумкин. Қурилма 5G тармоғини қўллаб-қувватламайди. Унга 5,000 мАс сиғимли аккумулятор ўрнатилган. 

Смартфон Андроид 12 операцион тизимига асосланган One UI Core 4.1 график қобиғида ишлайди. Унинг ҳажми 164.2 х 75.9 х 9.1 мм, оғирлиги 188 граммни ташкил қилади. Корпуснинг мис, қора ва кўк рангли турлари мавжуд. 

ЎҚИНГ: Google бошланғич синф смартфонлари учун Android 13 Go версиясини тақдим қилди 

Terabayt.uz сайтининг видеолари: Youtube'даги каналимизда!