Samsung Galaxy A13 4G'нинг техник жиҳатлари ва нархлари маълум бўлди

Hasanboy
21425
04.03.2022 11:47

Samsung ўтган йили Galaxy А13 5G смартфонини тақдим этган эди. Энди компания ушбу қурилманинг 4G версиясини чиқармоқчи. Смартфон NBTC сертификатидан ўтди ҳамда унинг махсус саҳифаси Samsung'нинг бир неча давлатдаги расмий веб-сайтларида пайдо бўлди.

Компания Galaxy А13 ҳақида маълумот беришини кутаётган вақтимизда қурилманинг техник жиҳатлари, дизайни ҳамда нархи WinFuture томонидан ошкор қилинди.

Galaxy A13 4G ташқи кўринишидан 5G моделга ўхшайди. Олд панелда томчисимон селфи камера жойлашган бўлса, орқа панелдан бир-биридан ажралиб турган камералар ва LED чироғи ўрин олган. Камералар орқа панелдан бўртиб чиқиб турмайди. Бу эса смартфон теккис юзага қўйилганда ҳеч қандай муаммони келтириб чиқармайди.

Қурилманинг ўнг ромида овозни созлаш ва қувват тугмалари жойлашган бўлиб, қувват тугмаси бир вақтнинг ўзида бармоқ изи сканери вазифасини бажаради. Суратларда смартфоннинг чап ром томони кўрсатилмаган. Агар 5G моделнинг ушбу томонида SIM-карта слоти жойлашганини ҳисобга олсак, 4G моделда ҳам худди шундай бўлади.

Аввалроқ Galaxy A13 4G модели Exynos 850 ҳамда 3ГБ тезкор хотира билан GeekBench 'да кўриниш берган эди. Манба ушбу маълумотни тасдиқлайди, аммо унда смартфон модель рақами Sam-A135F, ҳозирги маълумотдаги қурилманинг модель рақами эса SM-A136 деб кўрсатилган.

Бу дегани Galaxy A13 4G ўз навбатида 4ГБ тезкор ҳамда 64ГБ доимий хотирага эга бўлади. Шунингдек, унинг хотирасини microSD картаси билан ҳам кенгайтириш мумкин бўлади.

Смартфонга 90Hz янгиланиш частотада ишловчи FullHD+ резолюциядаги 6.6 дюймли LCD дисплей ўрнатилган. Дисплейнинг юқори қисмидан 8МП селфи камера ўрин олган бўлса, орқа панелдан 48МП асосий камера, 5МП ультракенг камера, 12МП макро камера ва 2МП сатҳ камера ўрин олган.

Қурилмадаги 5,000 мАс сиғимли аккумуляторни 15 ваттда қувватлаш мумкин. Смартфон уч хилда рангда бўлади ва унинг нархи Европада 200 доллардан бошланади.

Galaxy A33 5G ҳақида гапирадиган бўлсак, аввалроқ смартфоннинг рендерлари сабаб унинг қандай дизайнда бўлишини билиб олган эдик. Эди эса қурилманинг расмий рендерлари тақдим этилди. Унга кўра смартфон тўрт хил рангда сотувга чиқади.

Манбанинг маълум қилишича, Galaxy A22 5G модели Exynos 1200, 6ГБ тезкор, 128ГБ доимий хотира ҳамда 5,000 мАс сиғимли аккумуляторга эга бўлади.