Samsung Galaxy A14 5G моделидан нималарни кутиш мумкин?
Galaxy A14 5G смартфони Google Play Console платформасида пайдо бўлди. Платформа қурилманинг дисплей техник кўрсаткичлари, энг муҳими, у Exynos 1330 чипи билан жиҳозланишии ҳақида маълумот берди.
Чип 2.4 гигагертсли Cortex-А78 ҳамда 2.0 гигагертсли Cortex-A55 ядроларидан ташкил топган. Графика учун Mali-G68 жавоб беради. Қуйидага суратда Exynos 1330 чипи 2022 йилги Galaxy A ва Galaxy M моделларига ўрнатилган Exynos 1280 ҳамда Dimensity 700 чипсетлари билан таққослаган.
Ушбу жадвалда нега Dimensity 700 чипи ҳам берилган деган савол туғилиши турган гап. Geekbench натижаларига асосланадиган бўлсак, Galaxy A14 моделларидан бирортаси Exynos эмас, балки айнан ушбу чип билан жиҳозланиши мумкин. Аввалроқ Galaxy A13 5G моделига ҳам Dimensity 700 чипи ўрнатилган, A13 4G эса Exynos 850 чипига эга бўлган эди.
Айтганча, яна бир янги тақдим этиладиган Galaxy M15 5G қурилмаси ҳам Exynos 1330 чипида ишлаши мумкин. Бу аввалроқ Geekbench'даги маълумотларда айтилган эди. Samsung, шунингдек, бундан кучлироқ бўлган Exynos 1380 чипини ҳам ишлаб чиқаришни режалаштирмоқда. Чип Mali-G615 график процессорига эга бўлиши айтилмоқда.
Смартфонга қайтадиган бўлсак, A14 5G модели FullHD+ 6.8 резолюциядаги 6.8 дюймли LCD дисплейи билан жиҳозланади. Суратдан кўриниб турибдики, смартфон учта камера билан жиҳозланади. Асосий камера 50МП, селфи камера резолюцияси эса 13МП бўлади. Гаджет 5,000 мАс сиғимли аккумулятор билан жиҳозланади.
Маълумотларга кўра, Galaxy A14 5G шу йилнинг охиригача тақдим этилиши керак. Ҳозирча ушбу моделнинг 4G версияси ҳақида ҳеч қандай маълумот йўқ.
