Samsung Galaxy A22 смартфони тақдим этилди
Samsung компанияси ниҳоят Galaxy А22 смартфонини расман тақдим этди. Бу йилги А серия смартфонларига катта ўзгартиришлар киритилди.
Galaxy А21 смартфонига қараганда, Galaxy А22 янги дизайн, кучлироқ процессор ҳамда яхшироқ дисплей билан жиҳозланган.
ЎҚИНГ: One UI 4.0 (Android 12) гача янгиланувчи Galaxy'лар рўйхати билан танишамиз
Samsung смартфоннинг нархи ва қайси ҳудуд бозорлари учун ишлаб чиқарилиши ҳақида маълумот бермади. Ушбу маълумотлар кейинчалик компания томонидан эълон қилиниши кутилмоқда.
Galaxy А22 6.4 дюймли Super AMOLED Infinity-U дисплейи билан жиҳозланган бўлиб, дисплей HD+ резолюция ва 90Hz экран янгиланиш частотасини қўллаб-қувватлайди. Қурилма Android 11 тизимида ишлайди. Смартфоннинг равон ишлаши учун эса саккиз ядроли MediaTek Helio G80 чипи жавоб беради. Galaxy А22'нинг 4/64ГБ, 4/128ГБ ҳамда 6/128ГБ хотирага эга бўлган талқинлари мавжуд.
Қурилманинг селфи камераси 13МП ни ташкил қилади. Орқа панелда камера модули жойлашган бўлиб, ушбу камера модули тўртта: 48МП асосий, 8МП ультракенг, 2МП макро, 2МП сатҳ камералардан иборат. Смартфон қулоқчин ва қўшимча карнайлар учун Dolby Atmos функциясини қўллаб-қувватлайди.
Samsung Galaxy А22 смартфонида бармоқ изи сканери қурилманинг ён томонида жойлашган. Смартфоннинг хотирасини microSD билан кенгайтириш мумкин. Шунингдек, қурилмадан 3.5 мм аудио жек ҳам ўрин олган.
Galaxy А22'га 5,000 мАс ҳажмли аккумулятор ўрнатилган. Қурилма тўрт хил: Black, White, Violet ҳамда Mint рангларда сотила бошлайди.
ЎҚИНГ: Samsung Galaxy A72'нинг техник жиҳатлари ва қадоқ таркиби билан танишамиз
