Samsung Galaxy A3 (2017) – хитга айланган моделнинг янги авлоди

Samsung Galaxy A3 (2017) – хитга айланган моделнинг янги авлоди

Ўтган йилнинг сўнгги чорагида чиқарилган Samsung Galaxy A3 (2016) юртимиздаги кўпчилик харидорларнинг меҳрини қозонишга улгурган. Бунга сабаб моделнинг замонавий дизайни ва ҳамёнбоп нархидир. Куни кеча смартфонларни синовдан ўтказадиган бенчмаркларда мазкур моделнинг янги авлоди – Samsung Galaxy A3 (2017) ҳақидаги маълумотлар пайдо бўлди.

Тўғри, ҳозирча моделнинг ташқи кўриниши сир тутилмоқда. Шундай бўлса-да, биз янги авлоддаги телефоннинг баъзи техник параметрларини билишга эришдик.

Шундай қилиб янги Samsung Galaxy A3 (2017) Android 6.0.1 Marshmallow дастурида ишлайди, 4,7 дюймли HD экран билан таъминланади, унга саккиз ядроли 1,5 ГГц частотада ишлайдиган процессор ва Mali-T830 график тезлаткичи ўрнатилади. Смартфон 2 ГБ тезкор ва 16 ГБ доимий хотирага эга бўлади.

Асосий камера – 13 МП, олд камера – 8 МП бўлиши кутилмоқда. Бундан ташқари, смартфонга NFC, педометр ва барометр ҳам ўрнатилади. Onscreen синовларида янги версиядаги смартфон 1080 балл тўплаган (LenovoVibe Z2 Pro, Huawei P9 Lite, Microsoft Lumia 950 XL, Meizu MX4 моделлари даражасида). Manhattan 3.1 onscreen синовларида эса телефон Samsung Galaxy J7, Huawei P9, Mlais M52 Red Note каби смартфонларнинг техник кўрсаткичларига яқин натижаларни қайд этган.

samsung_galaxy_a3_2017

 

 

Хабарларни тез ва осон ўқиш учун Андроид иловамизни сақлаб олинг.