Samsung Galaxy A34 рендерлари тарқалди

Samsung Galaxy A34 рендерлари тарқалди

Бир неча ҳафта аввал Интернетда бўлажак Samsung Galaxy А54 учлик камера билан сифатли рендерларда тарқатилган эди. Бугун эса ундан бир поғона пастки модел – Galaxy А34 ҳам сифатли рендерларда пайдо бўлди.

Galaxy А34 дизайни ҳам А54'никига жуда ўхшайди ва албатта бу ажабланарли эмас, чунки компания ўзининг ўрта синф смартфонларини бир-бирига ўхшаш дизайнда чиқаради. Бироқ, одатда Galaxy А3х смартфонлари Galaxy А5х смартфонларидан камера ороли дизайни билан фарқ қилиб турар эди, лекин янги рендерлар бу анъанага якун ясалганини тасдиқлайди ёхуд смартфонлар энди орқа томонда бир хил кўринишга эга.

Суратлардан кўриш мумкинки, Galaxy А34 ҳам учлик камерага эга ва уларнинг ҳар бир смартфондан алоҳида бўртиб чиқиб туради ёхуд шу йилги модел каби уларни ўраб турадиган орол мавжуд эмас. Айтиш керакки, бундай дизайн Galaxy А3х смартфонларига бегона эмас ёхуд Galaxy А32 деярли мана шундай кўринишга эга эди. Фақат унда камералар тўртта бўлган. Galaxy А34 эса А54 каби учта камерага эга бўлади.

Олд томонга бир қарашда экран рамкалари сезиларли даражада қалин эканлигини кўриш мумкин. Эҳтимол, компания Galaxy А34 ўзидан юқори моделлардан шуниси билан ажралиб туришини хоҳлаган кўринади. Бироқ, бу расмий маълумот эмаслигини ҳисобга олган ўзимизни тинчлантиришимиз мумкин.

Миш-мишларга кўра, Galaxy А34 смартфони 161.3 х 77.7 х 8.2 мм ўлчамда бўлади, Унинг 6.5 дюймли экрани ҳар доимгидек Infinity-U дизайнида. Қолаверса, смартофн 3.5 миллиметрли наушник уясини сақлаб қолиши, ён тугмага интеграциялаштирилган бармоқ изини аниқлаш сканерига эга бўлиши таҳмин қилинмоқда.

ЎҚИНГ: Samsung Galaxy S23 смартфонлари сунъий йўлдошга уланиш хусусиятига эга бўлади