Samsung Galaxy A41'нинг рендерлари билан танишинг

Samsung Galaxy A41'нинг рендерлари билан танишинг

Samsung A серияли смартфонлар дизайнини мунтазам равишда янгилашда давом этмоқда, у яқинда Galaxy A41'ни тақдим этади.

Яқинда ушбу моделнинг расмлари ва баъзи хусусиятлари тармоқда тарқалди. Янгилик рендерлари машҳур инсайдер @OnLeaks томонидан яратилган.Компаниянинг бошқа моделларида бўлгани каби, бу моделда ҳам улар “орқа“ дизайндаги асосий камерага тўртбурчак блокдан фойдалнишга қарор қилишди. Орқада учта камера жойлашган бўлиб, модулдаги ёзувга кўра, датчиклардан бири 48 мегапикселлик сиғимга эга. Компаниянинг бошқа қурилмаларидан бироз фарқ қилиши учун орқа корпусда геометрик нақш ишлатилганлигини ҳам кўришимиз мумкин.Эҳтимол, орқа панель пластмассадан ясалган ва ялтироқ ҳимоя ойнаси билан қопланган бўлиб, кўзгу эффектини яратади. Қурилма ўлчамлари 150х70х7,9 мм. Катта эҳтимол билан, бармоқ изи сенсори экран ичига жойлаштирилган, демак, бизни AMOLED дисплейи кутмоқда. У олд камера учун томчи шаклидаги тирқишга эга Infinity-U матрицаси бўлади.

Қурилма ўнг ёнида овоз баландлигини бошқариш ва телефонни ёқиш/ўчириш тугмаси мавжуд, пастки қисмида USB Type-C портини, карнай ва 3,5 ммлик наушник жекини кўришимиз мумкин.

Galaxy A41'нинг хусусиятлари ҳақида гапирадиган бўлсак, у Helio P65 чипи, 35 ватт тезкор қувватлагич, 3500 мА/соат аккумулятор, шунингдек 64/128ГБ сиғимли хотирага эга бўлади.

ЎҚИНГ: Анонс яқин: ҳамёнбоп Galaxy A31 аллақачон Samsung расмий сайтига чиқди!