Samsung ўзининг ўрта синф смартфони учун ҳам One UI 5 янгиланишини тарқатишни бошлади
Samsung компанияси ўзининг Galaxy А53 смартфони учун ҳам Android 13'га асосланган One UI 5 янгиланишини Европа мамлакатларида тарқатишни бошлади, дея хабар бермоқда SamMobile нашри. Маълум бўлишича, прошивка версияси A536BXXU4BVJG бўлган 2ГБ ҳажмдаги янгиланиш смартфоннинг 5G модели учун чиқарилган бўлиб, у октабр ойи хавфсизлик ямоғини ўз ичига олади.
Galaxy А53 5G учун янгиланиш тарқатилиши эндигина Европада бошланган экан, бошқа ҳудудлардаги ушбу смартфон эгалари ҳам яқин ҳафталарда янгиланишни қабул қилишни бошлашлари аниқ.