Samsung Galaxy А53 расман тақдим қилинди
Samsung Galaxy А33 билан бирга, кеча Samsung янги Galaxy А53 моделини ҳам чиқарди. Ушбу модел А33 ва А73 моделларига қараганда бошқа кўплаб мамлакатларда расмий сотувда бўлади.
Galaxy А53 модели 6.5 дюймли FHD+ Super AMOLED дисплейга эга ва у ҳам Corning® Gorilla® Glass 5 билан ҳимояланган. Шунингдек, унинг экран янгиланиш тезлиги 120Hz бўлиб, Infinity-О рамка дизайнига эга. Смартфон ўлчами 74.8 х 159.6 мм бўлиб, қалинлиги 8.1 миллиметерни оғирлиги эса 189 граммни ташкил қилади.
Смартфон орқа камераси 64 MP асосий камера сенсори ва у тасвирни стабилизация қилувчи OIS ва VDIS технологияларига эга. Шунингдек, 12 MP ултра кенг ва иккита 5 MP камералари ҳам бор. Олд камераси эса 32 MP сенсорга эга. Ушбу модел ҳам Exynos 1280 5nm Octa-Core процессорида ишлайди ва 6/8 GB оператив хотира, 128/256 GB доимий хотира ва 1 терабайтгача microSD қўшиш имконияти билан келади. Албатта, аввалги Galaxy A52'дан кўра кўпроқ батарея сиғимига эга — 5,000 mAh. Агар смартфон қуввати тугаб қолса уни 25W тезкор қувватлаш билан зарядлаш мумкин, лекин симсиз қувватланиши ҳали ҳам ушбу моделларда қўллаб-қувватланмайди. Сўнгги версиядаги One UI 4.1 операцион тизимида ва 5G тармоғида ишлайди. Смартфон IP67 сертификати билан сувга ва чангга чидамлидир.
Galaxy А53 қутидан очилиш видеосини Samsung'нинг расмий YouTube каналида кўришингиз ва смартфон қутисида қувватловчи адаптер бўлмаслигига гувоҳ бўлишинигиз мумкин. Ушбу модел ҳам оқ, қора, ҳаворанг ва шафтоли рангларида жаҳон бозорларига чиқарилади ва уни 1-апрелдан 449 евро нархда сотиб олиш мумкин.
