Galaxy A60 ҳамда Galaxy A70 хусусиятлари ва «жонли» суратларини TENAA фош этди!
Жанубий кореялик техногигант ўрта нарх тоифасидаги Galaxy A смартфонларининг тақдимотларини узлуксиз давом эттирмоқда. Ўтган ҳафтада у Galaxy A40 моделини намойиш этиб, сотувга ҳам чиқарган.
ЎҚИНГ: Samsung’нинг ҳамёнбоп Galaxy A2 Core смартфони билан илк танишув!
Энди эса Хитойнинг TENAA регулятори ҳали тақдим этилмаган Galaxy A60 ҳамда Galaxy A70 моделларининг ҳа сертификацион синовларини ўтказгани маълум бўлди. Шунинг эвазига уларнинг айрим техник жиҳатлари ва «жонли» расмлари ҳам ошкор бўлди.
Samsung Galaxy A70 фойдаланувчиларни нафақат градиент тусли корпуси, балки диагоналига 6,7 дюймлик катта экрани билан ҳам хушнуд этади.
Ўлчами 164,2х76,7х7,9 миллиметр келадиган ушбу смартфоннинг аккумулятори ҳам анчагина сиғимдор – 4400 мА/соат!
ЎҚИНГ: Galaxy Fold буклама смартфони илк бор Geekbench’да ўз кучини кўрсатди. Лекин афсус...
Унинг «ука»си – Galaxy A60 модели эса бирмунча «камтарроқ»: экран «атиги» 6,3 дюймлик, корпусининг ўлчами эса 155,2х73,9х7,9 миллиметр. Батареяси эса 3410 мА/соатлик – экрани ва бошқа хусусиятларини инобатга олганда, анча яхши кўрсаткич.
Эътибор беринг: ушбу қурилмаларнинг иккаласи ҳам уч модулли бош камерага эга, аммо селфи-камералари турлича жойлашган. Galaxy A60 моделида селфи-камера дисплейнинг юқори чап бурчагидаги «тирқиш»га жойланган бўлса, Galaxy A70’да ушбу сенсор экранининг юқори қисми ўртасидаги томчисимон «кемтик»дан ўрин олган. «Кичкина» моделнинг орқа қопқоғида бармоқ изи сканери кўзга ташланади, «катта»сида эса у кўринмайди – ҳойнаҳой, унинг дактилоскопи экранга интеграцияланган.
Galaxy A60 ҳамда A70 моделларининг намойиш ва савдога чиқиш вақтлари ҳозирча аниқ эмас. Компаниянинг жаҳон бозорига чиқарилган аксарият смартфонларини, жумладан, Galaxy S10 ҳамда Galaxy S10+ флагманларини эса аллақачон Terashop.uz интернет-дўконимиздан онлайн усулда сотиб олиш мумкин.
