Samsung Galaxy A91 билан рендерларда танишамиз
Samsung Galaxy A91 смартфони ҳақидаги илк хабарлар август ойида тарқалган эди.
Кейинроқ, компания ушбу қурилма худди Galaxy Note10+ каби 45 ваттли тезкор қувватлаш имкониятига эга бўлиши, 2020 йилда тақдим қилиниши ва қадоқдан Android 10 операцион тизимида ишлаши ҳақида расман маълумот берган эди. 
Тахминларга кўра, гаджет Snapdragon 855 чипида ишлайди ва 4 500 мА/соат сиғимли аккумуляторга эга бўлади.
Смартфон ҳақида тарқалган энг сўнгги маълумотлардан бири унинг рендер тасвирларидир. 91Mobiles томонидан улашилган бу расмлардан кўриниб турибдики, девайс экрани қайрилган бўлади, лекин қайрилиш даражаси Galaxy S'лардаги каби бўлмайди. 
Орқа панелда эса тўрт лизна ва ягона LED чироғидан иборат камера модули кўриниб турибди (бироқ 91Mobiles A91'нинг уч камера модулили рендерлари борлигини ҳам таъкидлаб ўтган). Янги гаджетга перископ зум камераси ҳам ўрнатилиши мумкин. 
Марказида айлана тириқишли селфи камера жойланган олд панель эса Galaxy Note10'ники билан деярли бир хил. Селфилар учун мўлжалланган линза 32 мегапикселли бўлиши айтилмоқда.
Рендерларда махсус Bixby тугмаси ва бармоқ изи сканери кўринмаяпти. Бундан чиқди овозли ёрдамчи тугмасидан воз кечилган, сенсор эса экран остига кўчирилган.
Янги Galaxy A91 гаджетига 6.7 дюймли Full HD+ Super AMOLED дисплейи ўрнатилади. Шунингдек, қурилма 8ГБ тезкор ва 128ГБ доимий хотирага эгалиги ҳамда Snapdragon 855 чипида ишлаши айтиб ўтилган. Қурилманинг фақат бир варианти бўлиб, 5G интернет ва Bluetooth 5.0 алоқларини қўллаб-қувватлайди.
Камера ҳақида гап кетганда, смартфонга 48МП асосий, 12МП ультра кенг (баъзи манбаларда 8МП деб айтиб ўтилган) ва 5МП телефото камералари қўйилади. Ушбу камерани модулида "Tilt OIS" деб номланган хусусият бўлиши ҳам мумкин.
