Samsung Galaxy M22'нинг техник жиҳатлари ва рендерлари сиздирилди

Samsung Galaxy M22'нинг техник жиҳатлари ва рендерлари сиздирилди

Янги тақдим қилинажак Samsung Galaxy M22 (SM-M225FV) смартфони ҳақида кўплаб маълумотлар айланиб юрибди. Энди эса DealNTech нашри мазкур бюджет қурилманинг бир неча рендерлари ва бошланғич техник жиҳатларини эълон қилди.

ЎҚИНГ: Бюджет синфига кирувчи Galaxy смартфони Android 11 операцион тизимига ўтмоқда

Galaxy M22'нинг дизайни Galaxy A22 ва Galaxy F22'ни ёдга солади, лекин орқа панель бўртма чизиқларга эга. Смартфон қора, кўк ва оқ рангларда мавжуд бўлади.

Техник жиҳатларига келсак эса, 6,4 дюймли HD+ Super AMOLED экран, 90Hz янгиланиш частотаси ва томчи камера тирқишини кутиш мумкин.

Орқа панелда тўртта камера жойланган бўлиб, уларнинг асосийси 48МП резолюцияга эга. Қолган камералар эса 8МП ультракенг, 2МП макро ва 2МП сатҳ камераларидир. Илгари ҳам айтилганидек, қурилма MediaTek Helio G80 чипи ва 4ГБ тезкор, 128ГБ кенгайтирса бўладиган хотирага эга бўлади.

Аккумулятор сиғими эса 5,000 мАс бўлиши ва смартфон 25 ваттгача тезликда қувват олиши кутилмоқда. Бироқ қадоқдан 15 ваттлик зарядчик-адаптер жой олади. Европа бозорида Galaxy M22 240 евродан бошлаб сотилиши айтилмоқда.

ЎҚИНГ: 200 долларлик Samsung Galaxy F22 биринчи анбоксинг видеода!

Terabayt.uz сайтининг видеолари: Youtube'даги каналимизда!