Samsung Galaxy M32'нинг асосий жиҳатларини Geekbench кўрсатиб берди
SM-M325FV модель рақамига эга ва Galaxy M32 смартфони экани ишонилаётган Samsung қурилмаси Geekbench'да кўриниш бериб, ўзининг асосий жиҳатларини намоён қилди.
Бенчмарк маълумотлар базасига кўра, SM-M325FV қурилмаси Android 11 операцион тизимида ишлайди ва 6ГБ оператив хотирага эга. Смартфонга MT6769V/CT ўрнатилган, бу Helio G80 процессорининг бир қисми саналади.
Geekbench смартфоннинг бошқа жиҳатлари ҳақида маълумот бермаган, бироқ M32 ўтган ҳафта DEKRA'да кўриниш бериб, 6,000 мАс аккумуляторга эгалигини кўрсатган эди.
Galaxy M32 қурилмаси Galaxy A32 4G асосига қурилгани айтилмоқда. A32 4G Helio G80, 6.4" FullHD+ 90Hz AMOLED экран, экраности бармоқ изи сканери ва 15 ваттда заряд олувчи 5,000 мАс лик аккумуляторга эга.
ЎҚИНГ: Snapdragon 750G чипи ва 5,000 мАс аккумуляторга эга Samsung Galaxy M42 5G смартфони тақдим қилинди
