Samsung Galaxy Note 7’нинг сурати ва ўлчамлари эълон қилинди

Шу вақтга қадар Samsung ҳамда бир қатор смартфонлар тўғрисида эксклюзив материаллар эълон қилган журналист Шай Мизрачи ўзининг блогида Samsung Galaxy Note туркумининг навбатдаги вакили – Samsung Galaxy Note 7’нинг сурати ва ўлчамларини эълон қилди.

Аниқ-тиниқ кўриниб турган суратларда жаҳоннинг навбатдаги энг инновацион қурилмаси бўлиши кутилаётган Samsung Galaxy Note 7’нинг корпус олд панелининг икки ёнига туташ қайрилма экранга эгалиги кўриниб турибди. Корпус орқа панели ҳам худди шу тарздаги букикроқ шаклга эга.

Samsung Galaxy Note 7 ўлчамлари қуйидагича бўлиши айтилмоқда: смартфон бўйига 153 мм, энига 74,5 мм, унинг қалинлиги 7,8 мм бўлади. Samsung Galaxy Note 5 эса 153,2 x 76,1 x 7,6 мм эди.

Яна бир таниқли самсунгшунос Эван Блэсс Samsung Galaxy Note 7’нинг август ойининг бошида сотувга чиқишини айтган эди.