Samsung Galaxy Note 8: фотогалерея
23 август куни тақдим қилинган Samsung Galaxy Note 8 диагонали 6,3 дюймли Infinity Display дизайнидаги, Super AMOLED матрицали Quad HD+ (2960 x 1440 белги) пиксел сиғимли экранга эга бўлган.
Ўта юпқа ромлар боис, бармоқ излари сканери орқа панелга, камера ёнига кўчган. Шу билан бирга, бу ердан кўз пардаси сканери ҳам ўрин олган.
Galaxy Note 8 сентябр ойи ўрталарида жаҳон бозорига "қора бриллиант", "сариқ топаз" (ялтироқ қимматбаҳо тош), "мовий сапфир" рангли корпусларда 1,185 АҚШ доллари нархида сотувга чиқарилади.
S-pen ёрдамида смартфонга 100 бетгача ҳажмда қайд қолдириш мумкин. Ҳатто, экран ўчиқ ҳолатда ҳам қайдларни ёзиш мумкин. Шунингдек, Samsung Note 8 фойдаланувчилари учун махсу ранг-тасвир иловаси ҳам тақдим қилинади.
Samsung Galaxy Note 8 корпуси IP68 стандарти бўйича ҳимояланган. Яъни унинг учун чанг ва сув қўрқинчли эмас. Фаблет 1,5 метр сув тубида 30 дақиқа жон сақлай олади.
Бу флагманда ҳам Always On Display — блокировка ҳолатида ҳам вақт, огоҳлантиришлар акс этувчи функция сақлаб қолинган.
Унга 2 та 12 мегапикселли -- кенг бурчак остида суратга олувчи ҳамда телефото сенсорлари ўрнатилган. Натижада, камерада 3 карралик яқинлаштириш, орқа фонни ғира-шира қилиб тасвирга олиш технологиялари жорий қилинган.
