Samsung Galaxy S10 флагманлар триосининг нархлари ва жиҳатлари маълум бўлди

Жанубий кореялик техногигантнинг Galaxy S10 флагмани уч хил модификацияда чиқишидан хабарингиз бор. Samsung уларни энг сўнгги инновациялар билан бойитишга жиддий аҳд қилган.

ЎҚИНГ: Бунақаси бўлмаган: Galaxy S10 селфи-камераси экраннинг ўзига жойланган, аммо у «ғойиб бўла» олади! («жонли» суратлар)

Slashgear ресурси эса мазкур флагманларнинг хусусиятлари ва нархлари ҳақидаги сўнгги маълумотларни эълон қилди. Унга кўра, Galaxy S10 уч хил вариантда чиқарилади: базавий модел, ретро-версия ва премиум-версия.

Стандарт Galaxy S10 модели чеккалари қайрилган 5,8 дюймлик дисплейга ҳамда 5G-модулга эга бўлади. Дактилоскопик датчиги дисплейга интеграция қилинган мазкур девайсга 1000 АҚШ доллари миқдорида нарх белгиланади.

Galaxy S10R (Retro) ҳам стандарт талқинидаги сингари ўлчамдаги, аммо текис экранга, 4G-модулга ва корпуснинг ён қиррасида жойлашган бармоқ изи сканерига эга. Samsung ушбу модели учун 750 доллар ҳақ сўрамоқчи.

Флагманнинг премиум модели эса 6,4 дюймлик дисплейга, унга ўрнатилган бармоқ изи сенсорига ва 5G модулига эга. Ушбу талқиндаги Galaxy S10 учун 1100 доллар нарх белгиланган.

Ҳар учала моделдаги флагманни келаси йил февралнинг сўнгида – MWC 2019 доирасида тақдим этишади. Ушбу ишлаб чиқарувчининг аксарият смартфонлари Ўзбекистонда, жумладан – ўзимизнинг Terashop.uz интернет-дўконимизда ҳам расмий кафолат билан сотилмоқда.

ЎҚИНГ: Samsung учта Galaxy S10 версиясида Android 9 Pie’ни синаб кўрди