Samsung Galaxy S10’нинг учта моделида ҳам дактилоскопик датчик экраннинг ўзига жойланади!
Жанубий кореялик гигант ўзининг юбилей – ўнинчи «галактика» флагманини уч хил талқинда чиқармоқчи эканидан хабарингиз бор. Уларнинг асосий жиҳатлари ҳақидаги инсайдерлик маълумотларини ҳам берганмиз.
ЎҚИНГ: Уч хил талқиндаги Galaxy S10’нинг асосий хусусиятлари ошкор бўлди
Янги хабарларга қараганда, Samsung Galaxy S10 туркумидаги учта смартфонда ҳам бармоқ изи сканери бевосита дисплейнинг ўзига интеграция қилинар экан. Аввал бундай хусусият фақат Samsung Galaxy S10 ҳамда Galaxy S10+ моделларида бўлиши, уларнинг «кичик» талқинида эса дактилоскопик датчик корпуснинг ён қиррасидаги тугмачага жойланиши айтилган эди.
Айтилишича, иккита «катта» моделда Qualcomm ишланмаси бўлган ультратовушли сканер қўлланади. «Кичкина»сида эса оптик дактилоскопик сенсор бўлишини таъкидлашмоқда.
Ушбу маълумотлар янги моделлар учун дисплейларни тайёрлаётган компаниянинг расмий вакилларидан олинган, дейишмоқда. Афтидан, бу ерда гап Samsung Display ҳақида кетаётир.
ЎҚИНГ: Кутинг! Экранда бармоқ излари сканери энди арзон смартфонларда ҳам бўлади
