Samsung Galaxy S22 Ultra биринчи марта расмий тасвирларда намойиш этилди

Samsung Galaxy S22 Ultra биринчи марта расмий тасвирларда намойиш этилди

Таниқли инсайдер Эван Бласс Galaxy S22 Ultra'нинг юқори сифатли рендерлари ва фотосуратларини тақдим этди. Ушбу смартфон келаси ҳафта Galaxy Unpacked тадбири доирасида тақдим этилади. 

Расмларда қурилма экрани ва камерасининг аллақачон маълум бўлган техник жиҳатлари кўрсатилган. 

Шуни таъкидлаш керакки, Galaxy S22 Ultra дизайни жиҳатидан 2020 йил август ойида тақдим этилган Note 20 Ultra'дан унчалик фарқ қилмайди.  

Қурилма HDR10+ ҳамда 120Hz янгиланиш частотасида ишловчи 6.8 дюймли QHD+ Dynamic AMOLED 2X дисплей билан жиҳозланади. Дисплейнинг максимал ёрқинлиги 1750 нитни ташкил қилади.  

Экраннинг юқори қисмидан f/2.2 диафрагмадаги 40МП юмалоқ тирқишли селфи камера ўрин олган. Шунингдек, смартфонга f/1.8 диафрагмадаги 108МП асосий камера, f/2.2 диафрагмадаги 12МП ультракенг камера ҳамда иккита телефото камера ўрнатилган. Қурилма 8K Super HDR форматда видеога олиши мумкин. 

Galaxy S22 Ultra'нинг қадоқ таркибидан смартфон билан бирга S-Pen стилуси, USB-C кабели ҳамда SIM-карта эжектори ўрин олган. Қувватлаш адаптерининг қутида бўлмаслиги янгилик эмас. 

ЎҚИНГ: Компонентларнинг таъминоти билан боғлиқ муаммолар сабаб S22 сериясининг сотувга чиқиш санаси кечиктирилиши мумкин