Samsung Galaxy S7 Edge: S7’га оид янги жиҳатлар маълум бўлди

Samsung Galaxy S7’нинг кейинги ҳафта Барселона шаҳрида бўлиб ўтадиган илк намойишига оз фурсат қолди. Эксперт-таҳлилчилар томонидан гаджетнинг ўзига хосликлари ҳақида турли маълумотлар тақдим этилмоқда.

Навбатдаги хабар 14 февраль куни мобиль қурилмалари мутахассиси Эван Бласс томонидан унинг Twitter ижтимоий тармоғидаги саҳифасида эълон қилинган бўлиб, унда  кумуш, қора ва тилла рангли корпусдаги Samsung Galaxy S7 Edge – икки четки соҳил экранларига эга мобиль воситанинг суратлари эълон қилинган.

Samsung Electronics компанияси 2015 йилда Galaxy S6 Edge қурилмасини зумрад, қора, оқ ва тилларанг кўринишда тақдим қилган эди.

5.7 дюймли қурилманинг 4ГБ тезкор хотирага, Android 6.0 Marshmallow операцион тизими ҳамда Exynos 8890 процессор чипига эга бўлиши тўғрисида тахминлар мавжуд. Мутахассислар унинг 2016 йилнинг етакчи флагманларидан бирига айланишини айтишмоқда.

Шунингдек, 5.1 дюйм диагонал, 1440 x 2560 пиксель сиғимига эга дисплейли Samsung Galaxy S7 қурилмасининг янада йирикроқ экранга эга Galaxy S7 Edge Plus талқини ҳам тақдим қилиниши кутилмоқда.

Шунингдек, бу гал ҳам компаниянинг ишончли қувват манбаига эга гаджети фойдаланувчиларни хурсанд қилиши аниқ. Боиси навбатга флагманнинг 3600 мАс ҳажмидаги электр токини жамлаш имконига эга аккмулятори бўлади.