Samsung Galaxy S7 смартфони Россияда сотила бошланди
Samsung компаниясининг Galaxy туркумига кирувчи янги S7 ва S7 edge флагман смартфонлари 18 март куни Россиянинг смартфон бозорига илк маротаба эркин савдога чиқарилди.
Android 6.0 Marshmallow операцион тизими ўрнатилган гаджетларнинг Россиядаги нархи қуйидагича:
32 гигабайтли доимий хотира билан таъминланган Galaxy S7 49990 (738 АҚШ доллари) рубль.
Худди шу талқиндаги Galaxy S7 edge смартфонининг нархи эса 59990 (886 АҚШ доллари) рубль.
Samsung компанияси 22 февралдан 18 мартга қадар сайти орқали мазкур мобиль алоқа воситаларига олдиндан буюртмаларни қабул қилган эди. Компания томонидан Samsung Galaxy S7 700 АҚШ доллари, Galaxy S7 Edge 800 АҚШ долларига баҳоланган.
Февраль ойининг сўнгида Барселонада ўтган Mobile World Congress анжумани доирасида тақдим этилган Galaxy S7 айни пайтда дунёнинг энг кучли смартфони, дея эътироф этилмоқда.
4 гигабайтли тезкор хотира ва 8 ядроли Exynos 8890 ёки Snapdragon 820 процессорларидан бирига эга смартфон 32 ГБ доимий хотира билан таъминланган. Ҳар иккала гаджет сув ва чанг таъсирига бардошли бўлиб, сув остида 30 дақиқагача “жон сақлаши” мумкин. Флагмандаги microSD қўшимча хотира бўлмачаси ёрдамида фойдаланувчилар қурилма хотирасини янада кенгайтириш имконига эгалар. Galaxy S7’да 3000 мАс, Galaxy S7 edge’да эса 3600 мАс қувват сиғимига аккумулятор мавжуд. Гаджетларни симсиз технология ёрдамида ҳам қувватлаш мумкин.
S7 ва S7 edge гаджетлари баланд ва аниқ-тиниқ эшитиладиган аудио кўникмага эга. Шу билан бирга, Samsung Galaxy S7’нинг юқори пиксель сиғимига эга дисплейида ранглар жилосини яққол кўриш мумкин.
Батафсил тавсиф:
