Samsung Galaxy S7 ва iPhone 6S: қайси бири зўр?

Ниҳоят, Galaxy S7 “рингга кўтарилди”. Янги имконият ва жиҳатлар билан бойитилган бу гаджет Apple’нинг сўнгги смартфони – iPhone 6S’нинг “ашаддий ғаними” бўлиши мумкин. Аҳамиятли томони шундаки, компания унинг дизайни ва ички имкониятларини яратишда ижтимоий тармоқлар орқали билдирилган фойдаланувчилар ва экспертларнинг фикр-мулоҳазаларини ҳам инобатга олган. iPhone 6S’нинг тақдимотига эса у қадар кўп бўлгани йўқ (2015 йил, сентябрь). Шу жиҳатдан улар бир-бирига муносиб рақиб.

Қуйида бу икки қурилмани таққослашга ҳаракат қиламиз.

Дизайн

Galaxy S6 Samsung’нинг яратган қурилмалари орасида энг нафиси, деб баҳоланмоқда. У смартфон корпусининг орқа қисмига ўрнатиладиган пластик қобиқни ҳашамдор кўринган шиша ва металл уйғунлигидаги қобиққа алмаштира олди. Бу дизайн Galaxy S6’нинг чиройини очди.

Аммо бу ўзига хослик унинг Apple’дан устунлигини таъминлай олмайди. Боиси самолёт, ракета ва сунъий учиш мосламалари тайёрлаш саноатида фойдаланиладиган мустаҳкам ва енгил алюминий қотишмаси ҳамда қаттиқ шиша қопламали Retina HD туридаги дисплей уйғунлиги iPhone 6S’га ҳам салобат бағишлайди.

Samsung қурилманинг орқа томонига тутишга қулай бўлиши учун сезилар-сезилмас букик шакл берган.

Ташқи ҳимоя

Galaxy S7’нинг IP68 сертификати у сувга чўккан тақдирда ҳам, унинг омон қолишини кафолатлайди. iPhone 6S эса бу сифатга эга эмас.

Дисплей

Samsung Galaxy S7’нинг Super AMOLED технологиясига асосланган дисплейи юқори даражадаги тасвир тиниқлигини англатади. iPhone 6S’нинг Retina HD дисплейи эса бу борада бир оз оқсаши мумкин. AMOLED технологияси экранда пикселларнинг рангни намойиш этиш имкониятини оширади. Шуни ҳисобга олсак, дисплей сифатида Galaxy S7’нинг қўли баланд келиши мумкин.

143 граммли iPhone 6S’нинг 4.7 дюймли дисплейида пикселлар сиғими 750×1334 белги бўлса, Samsung Galaxy S7’нинг 5.1 дюймли дисплейида бу кўрсаткич 1440×2560 пиксель.

Galaxy S7’даги “фаол дисплей” функцияси эслатма ҳамда вақтни, огоҳлантириш ва хатларни смартфонни тўла фаоллаштирмасдан туриб кўриш имконини беради. Бу ўз навбатида қувват тежалишига хизмат қилади.

Аммо, Galaxy S7’нинг экрани Apple’нинг қурилмаси каби қурилма билан алоқа ўрнатишнинг сўнгги имкони – 3D Touch технологияси билан бойитилмаган. Яъни бу технология ёрдамида смартфондаги иловаларни чертиш кучи билан бошқариш мумкин. Мисол учун, смартфонга хат келди ёки кимдир сизга бирор сайт манзилини юборди ва унга шунчаки кўз югуртирмоқчи бўлсангиз, дисплейни енгилгина чертсангиз кифоя.  Агар мактуб ёки сайтга тўлиқ кирмоқчи бўлсангиз, дисплейни қаттиқроқ чертасиз.

Тасвир намойиши

Galaxy S7 гаджети Qualcomm’нинг сўнгги Snapdragon 820 процессори ёки Samsung’нинг Exynos процессорига эга бўлади. Samsung иккала процессорда ҳам тасвир намойиши юқори даражада эканлигини айтмоқда. Хусусан, маълум қилинишича, янги смартфонда намойиш сифати Galaxy S6’никидан қараганда 30 %га юқори экан. Galaxy S6 8 ядро, 64 битли Exynos 7420 процессорида ишлайди. Galaxy S7’да тезкор хотира 4 ГБ.га ошган. Бу ҳам намойиш учун жуда муҳим жиҳат.

iPhone эса 2 ядроли A9 процессори ва 2 ГБ тезкор хотирага эга. Бу билан у S6’га бас келиши мумкин. Аммо бу жиҳатдан Galaxy S7 ўзининг муносиб рақиби iPhone 7’ни кутиши лозим бўлади.

 Хотира сиғими

Samsung Galaxy S7’нинг ҳозирча 32 ГБ ташқи хотирага эга талқини намойиш қилинди. iPhone 6S эса 16 ГБ, 64 ГБ ва 128 ГБ ҳажмидаги қўшимча хотираларни қўллаб-қувватлайди.

Аммо, Android Marshmallow операцион тизими қўшимча хотира карталарини ҳам ички хотира тизимига қийинчиликсиз қабул қилишини инобатга олсак, фойдаланувчилар S7’да хотира карталарини ўқиш билан боғлиқ муаммоларга дуч келишмайди. Назарий жиҳатдан бу унинг iPhone 6S’дан каттароқ хотира сиғимини таклиф қилишини англатади.

Камера

Сурат олишда iPhone 6S’нинг тезкорлигига гап йўқ. Қурилманинг автоматик режими тез ва сифатли сурат олишнинг муҳим жиҳати.

iPhone 6’нинг 12 МП камерасида рақамли суратни барқарорлаштириш функцияси бўлса ҳам, унда суратни оптик барқарорлаштириш функцияси йўқ. Бу эса ҳаракатдаги жараённи суратга олишда муаммоларга сабаб бўлади.

Ёруғлик паст жойда суратга олиш бўйича ҳатто Galaxy S6 ҳам iPhone 6S’га бас келиши мумкин.

Galaxy S7’нинг камераси ҳам 12 МП камерасидаги қўш сенсорли тизим суратни тиниқ ва ёрқин олиш имконини беради. Компаниянинг маълум қилишча, Galaxy S7 олган суратларнинг сифати ўзининг аждодлариникидан 95% сифатли бўлар экан.

Аккумулятор

Galaxy S6’нинг 2550 мАс  ёки iPhone 6S’даги 1715 мАс  қувват тўплаш имконига эга аккумуляторлари 3,000 мАс қувват тошига эга Galaxy S7 олдида ип эша олишмайди. Энди мобиль қурилмани бир марта қувватлаб бир кун смартфон имкониятларидан бехавотир ҳузурланиш мумкин.

Хулоса

Galaxy S7 тақдимотида айтилганидек, чиндан ҳам смартфон қандай бўлиши кераклигини кўрсатиш истагида бўлган тасаввурнинг натижаси.

Galaxy S7 процессор ва операцион тизим, камера ва намойиш, қувват олиш тизимига кўра iPhone 6S’ни ортда қолдирган бўлиши мумкин. Бироқ унинг чинакам рақиби, жорий йилнинг кузида намойиш этилиши кутилаётган iPhone 7. Ва биз намойишдан сўнг сиз билан яна бу масалани муҳокама қиламиз.