Samsung Galaxy S8 Lite ҳамда Galaxy A8 Star смартфонлари тақдимотга тайёр

SamMobile портали эълон қилишича, Samsung компанияси ўзининг иккита – SM-G8750 ҳамда SM-G8850 модел рақамига эга смартфонларини тақдим этишга тайёргарлик кўряпти. Бу рақамлар остида Galaxy S8 Lite ва Galaxy A8 Star моделлари яширинган.

Ўтган йилги флагманнинг ихчам талқини – Samsung Galaxy S8 Lite (SM-G8750) моделининг экрани 2220х1080 пикселли бўлиши айтилаётир. Snapdragon 660 процессори базасида ишловчи ушбу қурилма 4/64 гигабайтлик тезкор ва доимий хотирага эга. Таъкидлаш керакки, мазкур SM-G8750 рақамли қурилма бенчмаркда тестдан ўтказилганида, уни Galaxy S9 mini модели, дея тахмин қилишганди.

ЎҚИНГ: Samsung "ҳамёнбоп флагман"ни қайтармоқчи!

Шунингдек, айрим хусусиятлари аввалроқ маълум бўлган – SM-G8850 рақамли смартфонни ҳам кузатувчилар Galaxy S9+ mini модели, дейишган эди. Аммо SamMobile маълумотларига кўра, мазкур гаджет Samsung Galaxy A8 Star номи билан бозорга чиқарилади.

ЎҚИНГ: «Galaxy S9+ Mini» – iPhone X дизайнидаги Samsung смартфони тайёр!

Бу моделдаги смартфон 5,8 дюймлик (2960х1440 пикселли) Super AMOLED Infinity Display билан таъминланган. Samsung унга ўзининг Exynos 9810 (ёки Exynos 7885) чипини ўрнатмоқда, телефоннинг тезкор хотираси ҳажми 4 ёки 6 гигабайтга тенг. У 400 гигабайтгача ҳажмли microSD картани қўллаб-қувватлаши айтилмоқда.

Galaxy A8 Star бош камераси қўшалоқ – 12 мегапикселли иккита датчикка эга. Олд камера модули 8 мегапикселли, кенг бурчакли ва автофокусли. Унинг аккумулятори 3000 мА/соатлик ток сиғимига эга.

Янги смартфонларнинг тақдим этилиш ва бозорга чиқарилиш саналари, шунингдек нархлари ҳам ҳозирча аниқ эмас.

ЎҚИНГ: ВИДЕО: Уч экранли Samsung Galaxy X буклама смартфонини ишлаётган ҳолатида кўрсатишди