Samsung Galaxy S9’ни тайёрлашга киришиб кетди

Samsung Galaxy S9’ни тайёрлашга киришиб кетди

Galaxy S8 ва S8+ смартфонларини тақдим қилиши билан, қисқа фурсат ўтиб Samsung ўзининг кейинги — Galaxy S9 флагманини тайёрлашга киришиб кетган. Бу тўғрида Жанубий Корея оммавий ахборот воситалари хабар тарқатишмоқда.

The Investor нашрининг ёзишича, март ойининг сўнгги кунларида кореялик IT-гигант Samsung Galaxy S9 учун махсус дисплей тайёрлаш бўйича лойиҳани ишга туширган. Афтидан, Galaxy S9 янада ёрқин ва илғор дисплейга эга бўлади. Компания Galaxy S8’га тегишли баъзи технологиялар устида 3 йил ишлаган эди. Шунингдек, Samsung’нинг махсус бўлинмаси навбатдаги флагманга хос муҳим жиҳатлар устида ҳам ҳозирданоқ изланишлар олиб бормоқда.

Баъзи манбааларга кўра, Samsung компанияси Galaxy Note7 билан содир бўлган шармандаликдан сўнг флагманларни шошма-шошарлик билан тайёрлаш хато, деган хулосага келган.

Хабарларни тез ва осон ўқиш учун Андроид иловамизни сақлаб олинг.