Samsung Galaxy Tab S3 2017 йилнинг 1 чорагида тақдим этилади
Sammobile сайтида берилган маълумотга кўра, Samsung Electronics компанияси Galaxy Tab S планшетининг учинчи авлодини 2017 йилнинг биринчи чорагида намойиш этишни режалаштирган. Galaxy Tab S3 икки хил вариантда (Wi-Fi ва LTE) ишлаб чиқарилади.
Бўлажак планшетларнинг модель кодлари ҳам маълум қилинган. Фақат Wi-Fi модулли янги Galaxy Tab S3 планшетига SM-T820, LTE стандартидаги версияга эса SM-T825 модель коди берилади.
Ҳозирча планшетга тегишли бошқа тафсилотлар ҳақида хабар берилмаган. Маълумот учун, Galaxy Tab S2 моделига 9,7 дюймли Super AMOLED экран ўрнатилган. Планшет чиройли дизайн ва кучли техник параметрларга эга.
