Samsung Galaxy Tab S8 Ultra'нинг техник жиҳатлари маълум бўлди

Samsung Galaxy Tab S8 Ultra'нинг техник жиҳатлари маълум бўлди

Galaxy Tab S8 сериясига оид маълумотлар сиздирилиши давом этмоқда. Яқинда сиздирилган маълумотлар Tab 8S Ultra планшетининг техник жиҳатларини ошкор қилди. 

ЎҚИНГ: GeekBench Galaxy A53 5G'нинг техник жиҳатларини ошкор қилди 

Планшетга 120Hz экран янгиланиш частотасида ишловчи 2960х1848 пиксел резолюциядаги 14.6 дюймли Super AMOLED дисплейи ўрнатилади. 

Дисплейдаги тирқиш энг кўп муҳокамага сабаб бўлган жиҳат бўлди. Ушбу тирқишда иккита 12 мегапикселли селфи камера жойлашган.

Tab S8 Ultra'нинг энг ҳайратланарли томони бу - унинг ўлчамларида. Қурилманинг корпус ўлчами 208.6 х 326.4 х 5.5 миллиметрни ташкил қилади. Таққослаш учун аввалги Tab S7+ планшетининг корпус ўлчамлари 285 х 185 х 5.7 миллиметрни ташкил қилар эди. 

Янги Tab S8 Ultra планшетининг 8/12/16ГБ тезкор хотира ва 128/256/512ГБ доимий хотирага эга версиялари тақдим этилади. Қурилма Snapdragon 8 Gen1 чипи билан жиҳозланади. 

Планшет, шунингдек, 45 ваттда қувват олувчи 11,200 мАс сиғимли аккумуляторга эга бўлади. Орқа панелда 13МП асосий ҳамда 6МП ультракенг камералари жойлашади. 

Қурилма Android 12 операцион тизимига асосланган One UI 4.0 график қобиғида ишлайди. Янги тизимга кўз чарчашини олдини олишга мўлжалланган янги Extra Dim режими ва Samsung DeX'нинг янги версияси қўшилади. 

ЎҚИНГ: Барча Galaxy S22 смартфонлари бир суратда 

Сайтимизнинг энг чиройли расмларини Инстаграмдаги саҳифамизда томоша қилинг!