Samsung Galaxy X: эгилувчан смартфоннинг илк тасвирлари

Samsung ўзининг илк тахлама смартфони устида иш олиб бораётгани ҳақида анчадан буён гап-сўз юради. Сўнгги миш-мишларга қараганда, қурилма 2019 йил январда бўлиб ўтадиган CES 2019 кўргазмасида намойиш этилади. Мана ниҳоят, тармоқларда қурилманинг илк суратлари пайдо бўлди.  Суратлар Samsung'нинг патент аризалари асосида олинган.

ЎҚИНГ:Galaxy S7 ва S7 Edge флагманларида экран аниқлигини камайтириш мумкин бўлди

Бундан аввал тахмин қилинишича, смартфон Galaxy X деган номни олиши керак эди, бироқ, сўнгги хабарларга қараганда, қурилма Galaxy F («foldable» —  тахлама) номини олиши мумкин. Кўринишига қараганда, аппаратни ҳатто ёпиқ ҳолатда бўлганда ҳам охиригача буклаб бўлмайди. Бундан ташқари, экранларнинг бири бошқасини тўлиқ ёпмайди. Демак, пастда унчалик катта бўлмаган, билдиргиларни кўрсатиб турадиган ёки мультимедиа бошқаруви тугмачаларини акс эттирадиган жой қолдирилган.

ЎҚИНГ:2016 йилнинг энг кўп сотилган смартфони маълум бўлди

Рендер муаллифлари бармоқ излари  сканерини қурилманинг орқа панелига жойлаштирган. Бироқ, чамаси, Samsung уни дисплей тагига ўрнатади. Қурилма тўртта камерага эга бўлади: иккитаси олд тарафда, иккитаси орқасида.

ЎҚИНГ:Селфи-камералар “жанги”: Galaxy S8 S7, iPhone 7, LG G6’га қарши

Миш-мишларга қараганда, очилган ҳолатда  Galaxy F 7-дюймли экранга эга бўлади. Экраннинг томонлар нисбати 21: 9 ва формати  1440x3360 пикселли, батарейкасининг сиғими 3000 дан 6000 мАч’ гача. Қурилманинг нархи ҳам янги технологияли қурилмага мос –  1850 доллар.

ЎҚИНГ:OnePlus 5, Mi6, iPhone 7+, Galaxy S8: флагманларга хос 6 жиҳатни таққослаймиз