Samsung Gear 360 камерасининг сотуви бошланди
Samsung Electronics Galaxy Note7 фаблети билан бир қаторда Gear 360 камерасини ҳам дунё бозорига чиқарди. Ушбу камера шу йилнинг февраль ойида ўтказилган MWC 2016 кўргазмасида намойиш қилинган эди.
Камера баъзи ҳудудларда чекланган миқдорда аввалроқ сотилган. Энди эса у жаҳон бозорига чиқарилади ва Galaxy Note7 экосистемасининг бир қисми сифатида илгари сурилади.
Камеранинг сотуви Galaxy Note7 фаблети билан биргаликда 19 – августга режалаштирилган. АҚШда унинг нархи тахминан 350 АҚШ долларини ташкил қилиши кутилмоқда.
Панорамали видео ва тасвирларни суратга туширишга мўлжалланган Samsung Gear 360 иккита 15 мегапикселли камера билан жиҳозланган. Камера 3840×1920 пиксел аниқлик даражасида секундига 360 градусни қамраб оладиган 30 та кадр тушириши мумкин.
Камера IP53 стандарти билан ҳимояланган. Аккумулятор сиғими 1350 мА/соат. Шунингдек, Wi-Fi (802.11 a/b/g/n/ac, 2,4/5 ГГц), Bluetooth 4.1, NFC ва USB 2.0. стандартини қўллаб-қувватлайди.