Samsung Gear S4 «ақлли» соатлари энди Galaxy Watch ва Wear OS, деб номланиши мумкин

  •   Saroy
  •  1346
  •  07.07.2018 10:11

Samsung Gear S4 «ақлли» соатлари  энди Galaxy Watch ва Wear OS, деб номланиши мумкин

Ice Univers  инсайдер компанияси  Samsung Gear S4 смарт-соатлари ҳақида янги хабарларни маълум қилди. Соат яқин вақтларда сотувга чиқарилиши мумкин.

Маълум бўлишича, “ақлли” соатларнинг навбатдаги авлоди янги ном олиши мумкин: бу ҳамма ўйлагандек, Samsung Gear S4 бўлмайди, балки Galaxy Watch, деб аталади. Янги қурилма аввалгидек, OC Tizen’да ҳам ишламайди, балки Wear OS (авваллари Android Wear’да эди) да ишлайди.

Яна бир инсайдер Эван Бласс ҳам, ўтган май ойида худди шу ҳақда айтган эди. Ушбу хабарга қўшимча қилиб, у  Samsung компанияси ходимлари бир неча ойдан буён Wear OS смарт-соатини тоқиб юргани ҳақда ҳам маълум қилганди.

ЎҚИНГ:Маълум бўлди: Samsung Galaxy X келаси йил январда, Galaxy S10 эса февралда

Tizen’нинг кейинги тақдири нима бўлади, ҳозирча бир нарса дейиш қийин. Назарий жиҳатдан олиб қараганда, Samsung икки линейкани ҳам ривожлантириши мумкин, лекин бунга ишониш қийинроқ, дейилади хабарда.

Шунингдек, соат 470 мАч сиғимга эга аккумулятор, қон босимини ўлчовчи датчик билан таъминланиши  ҳақда ҳам ёзилган.

Samsung ҳозирча “ақлли” соатларининг янги авлоди қачон чиқиши ҳақида айтгани йўқ, аммо гап-сўзларга қараганда,  уларни 9 август куни Galaxy Note 9 смартфонининг тақдимоти чоғида  ёки Берлинда бўлиб ўтадиган IFA 2018 кўргазмасида намойиш қилиши мумкин.

ЎҚИНГ:Samsung Galaxy Note9 S Pen cтилуси билан таъминланади, Bluetooth ҳам бор

 

Terabayt.uz сайтининг видеолари: Youtube'даги каналимизда!