Samsung Gear VR шлемининг II авлодини сотувга чиқарди
Samsung Американинг Oculus VR виртуал воқелик технологиясини ривожлантирувчи компанияси билан ҳамкорликда Gear VR – электрон воқелик шлемининг такомиллаштирилган, иккинчи авлодини сотувга чиқарганини расман эълон қилди.
99 АҚШ долларига баҳоланаётган қурилма бошқа вариантларига қараганда анча қулай. Гаджетдан фойдаланиш учун Samsung’нинг энг олди Galaxy Note 5, Galaxy S6 Edge+, Galaxy S6 ҳамда Galaxy S6 Edge муваффақиятли телефон аппаратлари керак бўлади.
Samsung Gear VR қурилмасининг оғирлиги 318 грамм. Унинг ташқи ўлчамлари ҳажми 201,9 x 116,4 x 92, 6 мм.ни ташкил қилади. Қурилманинг кузатиш бурчаги 96°. Шунингдек, унга ўта сезувчан сенсор панели ҳам ўрнатилган.
Gear VR’нинг имкониятлари
Netflix онлайн мультимедиа ва интернет телевидение тармоғига уланиш имкони энди янада қулай. Уни олиб юриш мумкин бўлган кўчма ўйинлар портали дейиш мумкин. Oculus компанияси тарқатган хабарларга кўра, қурилмадаги ўйин ва дастурлар сони жорий йилнинг декабрь ойида яна юзтага кўпаяди.
Gear VR ёрдамида фильмларни кинотеатр муҳитида ўтиргандек, йирик ҳажмда томоша қилиш мумкин. Oculus’нинг қурилмага ўрнатилган Alpha ижтимоий дастури орқали фойдаланувчилар дўстлари билан алоқа ўрнатишлари мумкин.
Шунингдек, унинг ёрдамида YouTube’да видеолар томоша қилиш, ойлик 45 миллион электрон ўйинлар ишқибозлари фикр алмашадиган Twitch видео платформаси ва порталидан қулай фойдаланиш имкони яратилган.
Samsung Gear VR’нинг сотувга чиқарилган қисми Amazon, Best Buy ҳамда AT&T онлайн дўконларида қисқа муддатда сотилиб бўлди. Ҳозирча электрон буюртма бераётган мижозларга “Айни вақтда омборхоналарда мавжуд эмас. Қурилмани сотиб олиш имкони пайдо бўлиши билан сизга хабар берамиз,” мазмунидаги хабарлар юборилмоқда.
