Samsung геймерларга мўлжалланган букма экранли монитор тайёрлади
Жанубий Кореянинг Samsung компанияси геймерларга мўлжалланган Full HD форматли мониторни икки хил версияда (24 ва 27 дюйм) сотувга чиқаради. Мазкур монитор Gamescom 2016 ва IFA-2016 кўргазмаларида олдин намойиш қилинган эди. Samsung янгиликлар сайтида берилган мақолага кўра, гаджет Quantum Dot (квантли нуқта) технологиясида ишланган букма экран асосида яратилган.
Quantum Dot (квантли нуқта) технологияси ёруғликни узатиш аниқлигини ошириш ва энергия сарфини камайтиришга хизмат қилади. Контрастлик коэффициенти – 3000 : 1, буйруқларга жавоб бериш вақти 1 милисекундни (янгилаш частотаси 144 ГГц) ташкил қилади. Монитор график карта билан тасвирни ўзаро синхронлаш учун AMD FreeSync функциясидан фойдаланади.
Ҳозирча мониторнинг нархи маълум қилинмаган.
