Samsung ҳали тақдим этилмаган Galaxy Note 9’ни аллақачон сотувга чиқарди!

Жанубий кореялик техногигант ўзининг тўққизинчи авлод фаблети тақдимоти арафасида эътиборни жалб этишнинг турли йўлларини қўллаб чарчамаяпти. Жумладан, ҳали кенг жамоатчиликка расман таништирмай ҳам туриб, уни савдога қўйганига нима дейсиз!?

ЎҚИНГ: Бунақаси бўлмаган: Galaxy Note 9 буюртмачиларга Samsung Smart TV совға!

Samsung роппа-роса бир ҳафтадан сўнг – 9 августда Galaxy Note 9 планшетофонини расман намойиш этишидан хабарингиз бор. Аммо корпорациянинг АҚШдаги бўлинмаси бу тақдимотни ҳам кутиб ўтирмасдан, янги смартфон учун олдиндан буюртмалар қабул қила бошлади.

Ушбу фаблетни биринчилар қаторида сотиб олиш истагида бўлган америкаликлар расмий сайтдаги махсус шакл орқали ўз исм-фамилиялари, электрон почта манзилларини кўрсатишлари керак. Шунингдек, янги смартфон бириктириладиган уяли алоқа операторини танлашлари ёки ҳеч бирига боғланмаган Galaxy Note 9 олмоқчи эканликларини билдиришлари лозим.

Булардан ташқари, компаниянинг таъкидлашича, янги фаблетни Samsung, Apple, Google ёки LG маҳсулоти бўлган эски смартфонларидан бирига алиштириб олиш орқали 450 долларгача тежаш мумкин.

ЎҚИНГ: Samsung, ниҳоят, Galaxy Note 9’нинг илк расмий видеоларини чиқарди