Samsung ҳали тақдим этилмаган, «яширин камера»ли Galaxy Note 20’ни энди «жонли» видеода кўрсатди!

  •   DiMaX
  •  2831
  •  01.05.2020 18:00

Samsung ҳали тақдим этилмаган, «яширин камера»ли Galaxy Note 20’ни энди «жонли» видеода кўрсатди!

Galaxy Note 20 туркумидаги флагман смартфонлар тақдимотига ҳали бир неча ой бор, аммо уларнинг айрим хусусиятлари аллақачон маълум. Масалан, Geekbench сервисида стандарт моделнинг тест натижаси ҳам, Galaxy Note 20+ 5G фаблетининг кўрсаткичлари ҳам чиққан.

ЎҚИНГ: Samsung Galaxy Note 20'ларга янгича процессор ўрнатилади

Samsung яқиндагина Galaxy Note 20 моделининг суратини расмий онлайн дўкони – Galaxy Store сайтига чиқариб қўйган эди. Энди эса компания уни ўзининг расмий реклама ролигида кўрсатди.

Мазкур видеолавҳа янги туркумдаги – Wind-Free Air кондиционерларининг рекламаси ҳисобланади. Унда ушбу гаджетлар «ақлли уй» тизимига интеграцияланиши кўрсатилган, 55-сонияда эса кондиционерни смартфон орқали масофадан бошқариш имкони намойиш қилинган:

Видеолавҳада аниқ-равшан кўрсатилган смартфон Samsung’нинг ҳозиргача чиққан бирорта моделига ўхшамайди. Унинг экрани ромсиз ва асосийси – унда олд камера кўринмайди! Galaxy Note 20 фаблетида экраности камера (ёки яширин камера) қўлланиши кутилаётганини ҳисобга олсак, рекламада айнан шу девайс кўрсатилган бўлиши эҳтимоли юқори.

ЎҚИНГ: Samsung’нинг энг арзон смартфони – Galaxy M01 хусусиятлари сизга ҳам ёқади!

Хабарларни тез ва осон ўқиш учун Андроид иловамизни сақлаб олинг.