Samsung ҳали тақдим этмаган «мегамонстр» аллақачон сотувда: нархи, хусусиятлари ва «жонли» видеоси!
Жанубий кореялик техногигант тез орада «мегамонстр» деб мақтаётгани – Galaxy M31 смартфонини тақдим этади. Тўрт модулли камерасида 64 мегапикселлик сенсор қўлланган бу қурилманинг суратлари ва деярли барча хусусиятларини куни кеча эълон қилган эдик.
ЎҚИНГ: Galaxy M31 ўзи арзон бўлса-да, ўрта нархли Galaxy A51 билан беллаша олади! («жонли» сурат)
Аммо расмий намойишидан ҳам аввал айрим интернет-дўконлар ассортиментида Samsung Galaxy M31 модели пайдо бўлиб улгурди. Масалан, Украинанинг Rozetka онлайн дўконида унинг асосий техник хусусиятлари ҳам, нархи ҳам кўрсатиб сотувга қўйилган.
Ушбу дўконда Galaxy M31 хусусиятлари қуйидагича кўрсатилган: диагоналига 6,4 дюймлик, томчисимон кемтикли Super AMOLED дисплей; Exynos 9611 процессори; 6/128 ГБ хотира; NFC модули ва моделнинг асосий фахри – 6000 мА/соатлик аккумулятор.
Galaxy M31 бош камерасининг тўртбурчак блогида тўртта сенсор мавжуд: 64 МП(F/1.8) + 8 МП(F/2.2) + 5 МП(F/2.2) +5 МП(F/2.4). Бу камера 4 карралик рақамли зумга эга, дейилмоқда. Смартфоннинг олд камераси бўлса 32 мегапикселлик якка датчикдан иборат.
ЎҚИНГ: Коронавирус Samsung учун совға бўлиши мумкин
Бундан ташқари, мазкур сайтда Galaxy M31 смартфонининг «жонли» видеотавсифини ҳам эълон қилишган – уни қуйида томоша қилишингиз мумкин:
Rozetka интернет-дўконида Samsung Galaxy M31 нархи ҳам кўрсатилган – 7499 гривен; бу эса тахминан 284 еврога тенг. Хабарларга кўра, Европада у дастлаб шу нархда сотилиб, кейин сал қимматлаши кутилмоқда. Лекин онлайн магазинда унинг қачондан аниқ сотила бошлаши кўрсатилмаган, фақат «Етиб келиши кутилмоқда», дея таъкидланган.
ЎҚИНГ: Samsung иккита ҳамёнбоп смартфонини Android 10’га эртароқ янгилай бошлади
Украинанинг яна бир – «Алло» онлайн дўконида ҳам Galaxy M31 учун олдиндан буюртма очилган. Унда кўрсатилишича, смартфон 13 мартда сотувга чиқади.
Galaxy M31 корпуси 159,2х75,1х8,9 миллиметрлик ўлчамга ва 191 граммлик вазнга эга. Samsung уни қора, кўк ва қизил рангларда, лекин нисбатан юқори нархда таклиф этади.
