Samsung ҳам, Apple ҳам орқада: Huawei Россияда ҳам лидерга айланди
Huawei Россия смартфонлар бозорида ҳам олдинга чиқиб олди. Учинчи чоракда компаниянинг смартфонлар бозоридаги улуши 28, 3 фоизни ташкил этди. Ушбу маълумотни «М.Видео-Эльдорадо» ва МТС компаниялари вакиллари ҳам тасдиқлашди.
Шундан келиб чиқиб айтиш мумкинки, ҳозирда қарийб ҳар учта қурилманинг биттаси Huawei ёки Honor бўлиб чиқади. Сотилган смартфонлар миқдори бўйича иккинчи ўрин Samsung компаниясига тегишли бўлди. Ушбу компаниянинг рус бозоридаги улуши 24,8 фоизни ташкил этган. Учинчи ўрин 11,7 фоизлик улуш билан Apple’га берилди.
ЎҚИНГ: Honor Magic 2 «жонли» видео суратларда: худди Huawei P20 Pro каби, фақат слайдерли флагман!
Даромад олиш бўйича эса, манзара бутунлай бошқача, яъни айнан тескари вазиятни кўришингиз мумкин. Бу борада энг кўп даромадни Apple ишлаб топган, ундан кейинги ўринларни Samsung ва Huawei эгаллашди. Чораклик натижаларига кўра, харид қилинган смартфонларнинг нархи ўртача 15 минг рублни ташкил этган. Бир йил давомида ушбу кўрсаткич қарийб 20 фоизга ошибди. Шунга қўшимча равишда, нархи 5 минг рублгача бўлган смартфонлар сотуви ҳам сезиларли равишда пасайган. Бу шундан далолат берадики, россияликлар аста-секин янада қимматроқ смартфонларни тута бошлаган.
ЎҚИНГ: Huawei энг янги - Mate 20 ва Mate 20 Pro смартфонлари тақдимотини ўтказди
