Samsung ҳам «ақлли» колонка ишлаб чиқаришини тасдиқлади

  •   DiMaX
  •  770
  •  25.08.2017 14:10

Samsung ҳам «ақлли» колонка ишлаб чиқаришини тасдиқлади

Хабарингиз бор, Apple шу йилнинг июнь ойида HomePod «ақлли» колонкасини тақдим этганди. Энди HomePod рақиби сифатида Samsung ҳам Bixby’ни қўллаб-қувватловчи колонка ишлаб чиқармоқчи. Бу тўғрида Android Authority нашри хабар бермоқда.

Сайт вакилларининг таъкидлашича, Samsung Electronics компаниясининг мобил бўлими президенти Донг Жин Ко бу хабарни тасдиқлаган. CNBC билан кечган интервьюда у тез орада «ақлли» колонканинг релизи бўлиб ўтишини инкор этмаган. Аммо бунинг аниқроқ вақти ҳамда қурилманинг нархи хусусида маълумот бермаган.

Айтиш керакки, HomePod’нинг чекланган версиясини Apple декабрда чиқаради. Мазкур «ақлли» гаджет дастлаб Австралия, Англия ва АҚШда, кейинроқ эса қолган мамлакатларда савдога чиқарилади. Унинг нархи 349 долларни ташкил этади.

Сайт янгиликларидан доимий хабардор бўлиш учун Телеграм каналимизга қўшилинг!