Samsung ҳам шошиб қолди: Galaxy Note 9 аллақачон бенчмаркда «кўринди»!

  •   DiMaX
  •  1677
  •  29.03.2018 10:48

Samsung ҳам шошиб қолди: Galaxy Note 9 аллақачон бенчмаркда «кўринди»!

Дунёнинг учинчи рақамли смартфонсози – Huawei компанияси 27 март куни бўлиб ўтган матбуот анжуманида ўзининг илғор моделларини тақдим этди. Улардан бири ҳатто хитойлик корпорациянинг асосий рақиблари – купертинолик ва жанубий кореялик техногигантлар флагманларини ҳам ортда қолдирди.

ЎҚИНГ: Apple ва Samsung бу "хитойча зарба"дан сўнг тиззагача ерга ботдилар

Афтидан, Samsung яна биринчиликни қўлга олиш учун ҳаракат бошлаган: ҳали тақдим этилишига анча вақт бор бўлса-да, у ўзининг Galaxy Note 9 смартфонини аллақачон Geekbench сервисида синаб кўрди.

Жанубий кореяликнинг тўққизинчи авлод фаблети мазкур бенчмаркда SM-N960U каталог рақами остида тестдан ўтказилган. Қизиғи шундаки, энг илғор – Snapdragon 845 чипсети базасига қурилган ушбу девайснинг тезкор хотираси ҳажми «атиги» 6 гигабайтни ташкил этади. Ҳолбуки, айни дамда ўзи тезкор хотира ҳажмини йириклаштириш борасида пойга кетмоқда.

ЎҚИНГ: ZTE 10/256 ГБ хотирали фантастик смартфон тайёрламоқда! (+видео)

Шунга кўра тахмин қилиш мумкинки, бенчмаркда синаб кўрилган прототип – Galaxy Note 9’нинг «кичик» версиясидир. Ҳали унинг «йирик» талқини 8 гигабайт, балки ҳатто 10 гигабайт ҳажмли тезкор хотирага эга бўлиб чиқар.

Мана, унинг Geekbench’даги тестда кўрсатган натижалари:

ЎҚИНГ: Galaxy Note 9: уч модулли камера ва сканерли дисплейга эга флагманни томоша қилинг!

Кўриб турганингиздек, Android 8.0.1 операцион тизим талқини бошқаруви остида ишловчи бу фаблет якка ядроли ва кўп ядроли синовларда тегишлича 2190 ҳамда 8806 балл тўплаган.

Samsung ушбу қурилмасини жорий йилнинг 31 август – 5 сентябрь кунлари Берлинда бўлиб ўтадиган IFA кўргазмасида ёки унинг бошланишидан бир кун олдин тақдим этиши мумкин. Унгача Galaxy Note 9’нинг турли хусусиятлари ҳақида маълумотлар, суратлари чиқиши аниқ. Улар билан биринчилар қаторида танишиб бориш учун биздан узоқлашманг.

ЎҚИНГ: Galaxy S9 ва бошқа Samsung смартфонлари нархлари (2018 йил 23 март)