Samsung ҳам "сунъий интеллект интеграциялашуви пойгаси"га қўшилиши мумкин

Samsung ҳам

Microsoft, Google ва бошқа бир нечта гигант IT компаниялари ChatGPT ёки шунга ўхшаш сунъий интеллектга асосланган чатбот билан ўз хизматларини хусусиятларини янада юқори даражага олиб чиқишмоқда. Эҳтимол, тез орада улар орасига Samsung ҳам қўшилиши мумкин.

Жанубий Кореянинг компанияси раҳбари, ТМ Роҳ, ўтган ҳафта Малайзияда бўлиб ўтган матбуот анжуманида Samsung сунъий интеллектга асосланган янги технологияларни ишлаб чиқиш учун глобал IT фирмалари билан ҳамкорлик қилиши мумкинлигига ишора қилди. У OpenAI'нинг ChatGPT чатботини мисол қилган ҳолда шундай дейди:

"ChatGPT'нинг "машинани ўрганиш" ва "чуқур ўрганиш" инновацияларни кўрсатмоқда ... Тил модели Samsung'нинг янада ривожланишига йўл очиб беради."

ТМ Роҳ, шунингдек, Samsung ўзининг сунъий интеллектни ривожлантиришга йўналтирилган тадқиқот ва ишлаб чиқариш марказига эга ва у "келажакда яхшироқ сунъий интеллект технологияларини топиш учун турли шериклар билан ҳамкорлик қилишга очиқ" эканлигини таъкидлаган.

Гарчи ChatGPT каби ривожланмаган бўлмаса ҳам, Samsung аллақачон ўзининг сунъий интеллектга асосланган Bixby суҳбатдош тизимига эга ва Galaxy қурилмаларига ички ўрнатилган.

ЎҚИНГ: Саудия Арабистони ўзининг илк гуманоид роботини тақдим қилди

Сайтимизнинг энг чиройли расмларини Инстаграмдаги саҳифамизда томоша қилинг!