Samsung Ҳиндистонда Galaxy J7 Prime ва Galaxy J5 Prime моделларини тақдим этди

Бугун Samsung Electronics компанияси Ҳиндистонда Galaxy J7 Prime ва Galaxy J5 Prime моделларини намойиш қилди.

Ҳар иккала смартфон 16 ГБ доимий хотира, microSD слот, бармоқ изи сканерига эга. Иккита SIM-карта ишини қўллаб-қувватлайди. Смартфонларнинг корпуси металлдан тайёрланган.

Galaxy J7 Prime 3300 мА/ст сиғимли батареяга эга, у 8 ядроли 1,6 ГГц частотадаги процессор ёрдамида ишлайди. Телефонга 3 ГБ тезкор хотира, 8 МПли олд ҳамда светодиодли чақноқ ва автофокусга эга 13 МПли асосий камера ўрнатилган. Galaxy J7 Prime 5,5 дюймли FHD экран билан таъминланган.

Galaxy J5 Prime 4 ядроли Exynos процессорида ишлайди, тезкор хотирасининг ҳажми 2 ГБ. У LCD технологиясида ишланган 5 дюйли экранга эга. Мазкур модель 2400 мА/ст сиғимли аккумулятор билан қувватланади. Асосий камеранинг аниқлиги – 8 МП, олд камераси 5 МП.

Galaxy J7 Prime 280 доллар, унинг “укаси” эса 220 долларга баҳоланган. Иккала модель қора ва тилларанг версияларда сотувга чиқарилади.